തൃശ്ശൂർ പട്ടിക്കാട്. ദേശീയപാതയിൽ മുല്ലക്കര ബസ്റ്റോപ്പിന് സമീപം നിർത്തിയിട്ട ചരക്ക് ലോറിക്ക് പുറകിൽ ഓട്ടോറിക്ഷ ഇടിച്ച് ഓട്ടോ ഡ്രൈവർ മരിച്ചു. കോലഴി വന്നേരി വീട്ടിൽ കുമാരൻ മകൻ അശോകൻ (65) ആണ് മരിച്ചത്. ഇന്ന് രാവിലെ 5 20ന് പാലക്കാട് ഭാഗത്തേക്കുള്ള പാതയിൽ ആണ് അപകടം ഉണ്ടായത്. കേടായതിനെ തുടർന്ന് ദേശീയപാതയോരത്ത് നിർത്തിയിട്ടിരുന്ന ലോറിക്ക് പുറകിൽ ഓട്ടോറിക്ഷ ഇടിച്ച് കയറുകയായിരുന്നു. ഗുരുതരമായി പരിക്കേറ്റ അശോകൻ ആശുപത്രിയിലേക്ക് പോകുന്ന വഴി മരണപ്പെടുകയായിരുന്നു.
