തൃശ്ശൂർ കൈപ്പമംഗലം: ദേശീയപാതയിൽ കൈപ്പമംഗലം അറവുശാലയിൽ വച്ച് നിയന്ത്രണം വിട്ട ആംബുലൻസ് പോസ്റ്റും മതിലും ഇടിച്ചു തകർത്തു. കൈപ്പമംഗലം ഗാർഡിയൻ ആശുപത്രിയുടെ ആംബുലൻസാണ് അപകടത്തിൽപ്പെട്ടത്.
ആംബുലൻസിൽ രോഗികൾ ഇല്ലായിരുന്നു. മൂന്നുപീടിക ഭാഗത്ത് നിന്നും വരികയായിരുന്ന ആംബുലൻസ് നിയന്ത്രണം വിട്ട് പോസ്റ്റും ഗ്ലോറി പാലസിന്റെ മതിലും ഇടിച്ചു തകർക്കുകയായിരുന്നു.
ഡ്രൈവർ ആല സ്വദേശി റൻസിൽ, ആശുപത്രിയിലെ നഴ്സ് വടക്കാഞ്ചേരി സ്വദേശി അനീഷ് എന്നിവർക്കാണ് പരിക്ക്. ഇവരെ കൈപ്പമംഗലം ഹാർട്ട് ബീറ്റ് ആംബുലൻസ് പ്രവർത്തകർ ആശുപത്രിയിൽ എത്തിച്ചു. ഇന്ന് രാവിലെ
എട്ടരയോടെയാണ് അപകടം നടന്നത്.