തിരുവനന്തപുരം: വര്‍ക്കലയില്‍ ബൈക്ക് അപകടത്തില്‍ യുവാവ് മരിച്ചു. പാലച്ചിറ പുഷ്പക വിലാസത്തില്‍ സരുണ്‍(22) ആണ് മരിച്ചത്.
ബൈക്ക് നിയന്ത്രണം വിട്ട് പോസ്റ്റില്‍ ഇടിച്ചാണ് അപകടം നടന്നത്. ഇന്ന് വൈകുന്നേരം നാല് മണിയോടെ ആയിരുന്നു അപകടം.
നരിക്കല്ലു മുക്കില്‍ നിന്നും വറ്റപ്ലാമൂട് ജംഗ്ഷനിലേക്ക് ബൈക്കില്‍ വരികയായിരുന്ന സരുണ്‍ നിയന്ത്രണം വിട്ട് വൈദ്യുതി പോസ്റ്റില്‍ ഇടിക്കുകയായിരുന്നു. സമീപത്തെ ഓടയിലേക്ക് വീണ സരണിനെ ശ്രീനാരായണ മിഷൻ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല