തിരൂര്: എന്എസ്എസ് സപ്തദിന ക്യാംപിനിടെ യുവ അധ്യാപകന് കുഴഞ്ഞുവീണു മരിച്ചു. തൃപ്രങ്ങോട് തൃപ്രങ്ങോട് കളരിക്കല് ബാലകൃഷ്ണ പണിക്കരുടെയും പങ്കജത്തിന്റെയും മകന് ടി.കെ.സുധീഷ് (38) ആണ് മരിച്ചത്.
വളാഞ്ചേരി പൂക്കാട്ടിരി ഇസ്ലാമിക് റസിഡന്ഷ്യല് ഹയര്സെക്കന്ഡറി സ്കൂളിലെ അധ്യാപകനായിരുന്നു. ഈ സ്കൂളിലെ എന്എസ്എസ് ക്യാംപ് മാവണ്ടിയൂര് സ്കൂളില് വച്ചാണ് നടന്നിരുന്നത്. ക്യാംപില് സുധീഷും പങ്കെടുത്തിരുന്നു. ഇന്ന് രാവിലെ ക്യാംപ് ആരംഭിക്കുന്നതിനു മുന്പ് എഴുന്നേറ്റെത്തിയ സുധീഷ് കുഴഞ്ഞു വീഴുകയായിരുന്നു.