പാലക്കാട് - മുണ്ടൂർ - ചെർപ്പുളശ്ശേരി റോഡിൽ കടമ്പഴിപ്പുറം ഹൈസ്കൂളിന് സമീപം ചൊവ്വാഴ്ച വൈകുന്നേരം ഉണ്ടായ ദാരുണമായ വാഹനാപകടത്തിൽ ബൈക്ക് യാത്രക്കാരനായ യുവാവ് മരിച്ചു. തൃവിഴാംകുന്ന് മാളിക്കുന്നു സ്വദേശിയും എടപ്പലത്ത് ഉണ്ണികൃഷ്ണന്റെ മകനുമായ വിഷ്ണുവാണ് മരിച്ചത്. വിഷ്ണു സഞ്ചരിച്ചിരുന്ന സ്പ്ലെൻഡർ ബൈക്കും (KL 07 AE 7161) ഭാരത് ബെൻസ് ലോറിയും തമ്മിൽ കൂട്ടിയിടിച്ചായിരുന്നു അപകടം.
2026 മാർച്ച് 24 വൈകുന്നേരം ഏകദേശം 5:45-ഓടെയാണ് സംഭവം നടന്നത്. വിഷ്ണുവിന്റെ ശരീരത്തിലൂടെ ലോറി കയറി ഇറങ്ങിയതിനെത്തുടർന്ന് അദ്ദേഹം സംഭവസ്ഥലത്ത് വെച്ച് തന്നെ മരണപ്പെട്ടു. റോഡിൽ ശരീരം ചതഞ്ഞരഞ്ഞ നിലയിലായിരുന്നു. അപകടത്തിന് പിന്നാലെ മൃതദേഹം ആംബുലൻസിൽ ആശുപത്രിയിലേക്ക് മാറ്റിയിട്ടുണ്ട്. വിവരമറിഞ്ഞതിനെത്തുടർന്ന് വിഷ്ണുവിന്റെ ബന്ധുക്കൾ ആശുപത്രിയിലേക്ക് തിരിച്ചിട്ടുണ്ട്