മലപ്പുറം: വൈലത്തൂർ ഒഴുരിൽ പത്താം ക്ലാസ് വിദ്യാർത്ഥിയെ കുളത്തിൽ മരിച്ച നിലയിൽ കണ്ടെത്തി. ഒഴുർ ഹെൽത്ത് സെന്ററിന് സമീപമുള്ള കുളത്തിൽ കുളിക്കുന്നതിനിടെ മുങ്ങിമരിച്ചതാണെന്നാണ് പ്രാഥമിക നിഗമനം.
നൂറുൽ ഉലൂം സുന്നി മദ്രസയിലെയും, കല്ലിങ്ങൽ പറമ്പ് സ്കൂളിലെയും പത്താം ക്ലാസ്സ് വിദ്യാർത്ഥിയും പുളിക്കൽ Ep അഹമ്മദിന്റെ മകനുമായ മുഹമ്മദ് അശ്മിൽ ആണ് മരണപ്പെട്ടത്.
നിലവിൽ മൃതദേഹം തിരൂർ ജില്ലാ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. ഇൻക്വസ്റ്റ് ഉൾപ്പെടെയുള്ള ഔദ്യോഗിക നടപടിക്രമങ്ങൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും.