പാലക്കാട് : സിംഗപ്പൂരിൽ ഉണ്ടായ വാഹനാപകടത്തിൽ പാലക്കാട് ഒറ്റപ്പാലം സ്വദേശിയായ യുവാവ് മരണപ്പെട്ടു. വാണിയംകുളം പനയൂർ വടക്കേ നിരപ്പേൽ ജെയിംസ് പീറ്റർ - റോസി ദമ്പതികളുടെ മകൻ ജെറിൻ പീറ്റർ ജെയിംസ് (21) ആണ് മരിച്ചത്.
അപകടത്തെക്കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല. കേവലം 21 വയസ്സ് മാത്രം പ്രായമുള്ള യുവാവിന്റെ അപ്രതീക്ഷിത വിയോഗം സിംഗപ്പൂരിലെ മലയാളി കൂട്ടായ്മയെയും നാട്ടിലെ അദ്ദേഹത്തിന്റെ സുഹൃത്തുക്കളെയും കുടുംബത്തെയും കടുത്ത ദുഃഖത്തിലാഴ്ത്തിയിരിക്കുകയാണ്.
മൃതദേഹം നാട്ടിലെത്തിക്കാനുള്ള നടപടികൾ സിംഗപ്പൂരിലെ പ്രവാസി സംഘടനകളുടെയും സുഹൃത്തുക്കളുടെയും നേതൃത്വത്തിൽ പുരോഗമിക്കുന്നതായാണ് വിവരം. നിയമപരമായ നടപടികൾ പൂർത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുവരും. സംസ്കാരം പിന്നീട് പനയൂരിലെ വസതിയിൽ വെച്ച് നടക്കും.