മലപ്പുറം കാളികാവ്: ചോക്കാട് മലയോര ഹൈവേയിലെ പുല്ലങ്കോട് വെച്ചുണ്ടായ വാഹനാപകടത്തിൽ നാലുപേർക്ക് പരിക്കേറ്റു. ഇന്നലെ വൈകുന്നേരം ഏഴുമണിയോടെയാണ് സംഭവം.
പള്ളിയിൽ നിന്ന് ഇറങ്ങി റോഡിലൂടെ നടന്നു വരികയായിരുന്ന ഇറമ്പത്ത് സക്കീർ ഹുസൈനെ ഓട്ടോറിക്ഷ ഇടിക്കുകയായിരുന്നു. നിയന്ത്രണം വിട്ട ഓട്ടോറിക്ഷ തൊട്ടുപിന്നാലെ മറിയുകയും ചെയ്തു. മഴയും എതിരെ വന്ന വാഹനത്തിന്റെ വെളിച്ചം കണ്ണിലടിച്ചതുമാണ് അപകടകാരണമെന്നാണ് പ്രാഥമിക നിഗമനം.
പരിക്കേറ്റവർ ചികിത്സയിൽ:
സക്കീർ ഹുസൈൻ: ഗുരുതരമായി പരിക്കേറ്റ ഇദ്ദേഹത്തെ പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചു.
പൂന്താനത്ത് രാമൻ: ഓട്ടോറിക്ഷയിൽ ഉണ്ടായിരുന്ന ഇദ്ദേഹത്തെ മഞ്ചേരി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
സരോജിനി, സഹോദരി: രാമന്റെ ഭാര്യ സരോജിനിയെയും സഹോദരിയെയും വണ്ടൂരിലെ സ്വകാര്യ ആശുപത്രിയിലാണ് പ്രവേശിപ്പിച്ചിരിക്കുന്നത്.
അപകടത്തെത്തുടർന്ന് പ്രദേശത്ത് ഗതാഗത തടസ്സം നേരിട്ടിരുന്നു.