കോഴിക്കോട്: പാളയത്ത് 38-കാരനായ ബിജു ക്രൂരമായി കൊല്ലപ്പെട്ട കേസിൽ 22 വയസ്സുള്ള യുവാവിനെ പോലീസ് കസ്റ്റഡിയിലെടുത്തു. കൊല്ലപ്പെട്ട ബിജുവിന്റെ അടുത്ത ബന്ധുവാണ് കസ്റ്റഡിയിലുള്ളതെന്നാണ് വിവരം.
"കൊലപാതകത്തിന് കാരണം വ്യക്തിവൈരാഗ്യം"
കസ്റ്റഡിയിലുള്ള യുവാവിന് മുൻപ് ചില മാനസിക അസ്വസ്ഥതകൾ ഉണ്ടായിരുന്നു. ഇയാളെ നിർബന്ധപൂർവ്വം ചികിത്സയ്ക്ക് അയക്കാൻ ബിജുവും മറ്റ് ബന്ധുക്കളും ചേർന്ന് മുൻകൈ എടുത്തിരുന്നു. ഇതിലുണ്ടായ വൈരാഗ്യമാണ് കൊലപാതകത്തിലേക്ക് നയിച്ചതെന്നാണ് പോലീസിന്റെ പ്രാഥമിക നിഗമനം.
"പ്രതി പിടിയിലായത് കൈയിലെ മുറിവ് കാരണം"
കൊലപാതകത്തിന് ശേഷം ബിജുവിന്റെ സംസ്കാര ചടങ്ങുകളിൽ വരെ പ്രതി പങ്കടുത്തിരുന്നു. എന്നാൽ, ഇയാളുടെ കയ്യിൽ വലിയൊരു മുറിവ് ശ്രദ്ധയിൽപ്പെട്ടതാണ് പോലീസിന് പ്രതിയിലേക്ക് എത്താൻ വഴിത്തിരിവായത്.
"ലഹരി സംഘങ്ങളോ പ്രൊഫഷണൽ കില്ലർമാരോ അല്ല"
സംഭവത്തിൽ മറ്റ് ലഹരി സംഘങ്ങൾക്കോ പ്രൊഫഷണൽ കില്ലർമാർക്കോ പങ്കില്ലെന്നും കസ്റ്റഡിയിലുള്ള യുവാവ് തനിച്ചാണ് കൃത്യം നടത്തിയതെന്നുമാണ് സിറ്റി പോലീസ് കമ്മീഷണറും അന്വേഷണ സംഘവും വ്യക്തമാക്കുന്നത്.
നിലവിൽ പ്രതിയെ പോലീസ് ചോദ്യം ചെയ്തു വരികയാണ്. മാനസികാസ്വസ്ഥതയുള്ള വ്യക്തിയായതിനാൽ കോടതിയുടെ നിർദ്ദേശാനുസരണം തുടർ ചികിത്സകൾ ലഭ്യമാക്കുമെന്നും പോലീസ് അറിയിച്ചു.
⊶⊷⊶⊷❍❍⊶⊷⊶⊷
Accident Rescue 24×7 Helping & Reporting Team
(Reg No: MPM/CA/382/2025)
📞 Help Line: 9526222277
"Together We Can Save Lives"
⊶⊷⊶⊷❍❍⊶⊷⊶⊷
*കോഴിക്കോട് ജില്ലയിലെ ഗവണ്മെന്റ് ആശുപത്രികളിലെ ഓപി വിവരങ്ങളും ജില്ലയിൽ നടക്കുന്ന അപകട വാർത്തകളും, എമർജൻസി അറിയിപ്പുകളും വേഗത്തിൽ അറിയാൻ ആക്സിഡന്റ് റെസ്ക്യൂ 24×7 വാട്സ്ആപ്പ് ഗ്രൂപ്പിൽ ജോയിൻ ചെയ്യുക👇*
https://chat.whatsapp.com/CdivJsnrgwfK8ffuuvLSKV?s=cl&p=a&ilr=0