തൃശൂർ: മണ്ണുത്തി കാർഷിക സർവകലാശാലാ ക്യാമ്പസിലെ കുളത്തിൽ കാൽവഴുതി വീണ് പി.എച്ച്.ഡി വിദ്യാർത്ഥി ദാരുണമായി മരിച്ചു. കർണാടക ചിന്തനഹള്ളി സ്വദേശി കിഷോർ കുമാർ ഗൗഡയാണ് മരിച്ചത്.
ഇന്ന് പുലർച്ചെ ഒരു മണിയോടെയായിരുന്നു സംഭവം. ഹോസ്റ്റലിൽ നിന്ന് സുഹൃത്തിനൊപ്പം ഡ്രാഗൺ ഫ്രൂട്ട് പറിക്കാൻ പോയതായിരുന്നു കിഷോർ കുമാർ. ഇതിനിടയിൽ പൈനാപ്പിൾ തോട്ടത്തിന് സമീപമുള്ള കുളത്തിലേക്ക് കാൽവഴുതി വീഴുകയായിരുന്നു.
വിവരമറിഞ്ഞ ഉടൻ തന്നെ ഫയർഫോഴ്സ് സംഘം സ്ഥലത്തെത്തി തെരച്ചിൽ നടത്തി മൃതദേഹം പുറത്തെടുത്തു. തുടർനടടികൾക്കായി മൃതദേഹം തൃശൂർ ജനറൽ ആശുപത്രി മോർച്ചറിയിലേക്ക് മാറ്റിയിട്ടുണ്ട്.