മലപ്പുറം പൊന്നാനി: പൊന്നാനിയിൽ വാഹനാപകടത്തിൽ പരിക്കേറ്റു ചികിത്സയിലായിരുന്ന വിദ്യാർത്ഥിനി മരണപ്പെട്ടു. പുതുപൊന്നാനി നാലാം കല്ല് 43-ാം വാർഡിൽ മാറാപ്പിന്റെ അഷ്റഫിന്റെ മകൾ നിഹാല (19) ആണ് അന്തരിച്ചത്.
ഏതാനും ദിവസങ്ങൾക്ക് മുൻപ് പൊന്നാനി താലൂക്ക് ആശുപത്രിക്ക് മുൻവശത്തുവെച്ച് നിഹാല സഞ്ചരിച്ച ബൈക്ക് ബസ്സുമായി കൂട്ടിയിടിച്ചായിരുന്നു അപകടം സംഭവിച്ചത്. ഗുരുതരമായി പരിക്കേറ്റതിനെ തുടർന്ന് കോഴിക്കോട് മെഡിക്കൽ കോളേജിൽ ചികിത്സയിൽ കഴിയവെയാണ് അന്ത്യം സംഭവിച്ചത്.
എം.ഐ. ഹയർ സെക്കൻഡറി സ്കൂളിൽ നിന്ന് ഈ വർഷം പ്ലസ് ടു പാസ്സായ നിഹാലയുടെ വേർപാട് നാടിനും കുടുംബത്തിനും വലിയൊരു നൊമ്പരമായി മാറി.
മാതാപിതാക്കൾ: മാറാപ്പിന്റെ അഷ്റഫ് & കുടുംബം
സഹോദരങ്ങൾ: ജെസ്സി, സുഹൈല, അഷ്കർ