കോഴിക്കോട്: നഗരത്തിൽ ബൈക്കും കാറും കൂട്ടിയിടിച്ച് മലപ്പുറം സ്വദേശിയായ യുവാവിന് ദാരുണാന്ത്യം. അരീക്കോട് സ്വദേശി ഷിജിത്ത് (28) ആണ് മരിച്ചത്. ചൊവ്വാഴ്ച പുലർച്ചെ സി.എച്ച്. മേൽപ്പാലത്തിന് സമീപമായിരുന്നു അപകടം.
ബൈക്കും കാറും തമ്മിൽ കനത്ത ആഘാതത്തിൽ കൂട്ടിയിടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ ഷിജിത്ത് സംഭവസ്ഥലത്തുതന്നെ മരണപ്പെട്ടു. വാഹനങ്ങളുടെ അമിതവേഗതയാണ് അപകടത്തിന് കാരണമെന്നാണ് ദൃക്‌സാക്ഷികൾ നൽകുന്ന പ്രാഥമിക വിവരം.
മൃതദേഹം നിലവിൽ കോഴിക്കോട്ടെ സ്വകാര്യ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.