മുതുതല: പാടത്ത് അനധികൃതമായി സ്ഥാപിച്ച വൈദ്യുതി കമ്പിവെലിയിൽ നിന്ന് ഷോക്കേറ്റ് വയോധികൻ മരിച്ചു. ചോലയിൽ വീട്ടിൽ കറുപ്പൻ (67) ആണ് ദാരുണമായി കൊല്ലപ്പെട്ടത്. മുതുതല മൂന്നാംമാട കൊഴിക്കോട്ടിരി എസ്.പി. നഗറിന് സമീപത്തെ പാടത്താണ് സംഭവം.
കാട്ടുപന്നികളെ തുരത്താനായി പാടത്തിന് കുറുകെ അനധികൃതമായി വലിച്ച വൈദ്യുതി കമ്പിവെലിയിൽ നിന്നാണ് അപകടമുണ്ടായതെന്നാണ് വിവരം. പാടത്ത് സ്ഥാപിച്ച 'കുരുത്തി' (മീൻപിടിത്ത ഉപകരണം) എടുക്കാനായി പുലർച്ചെ പാടത്തിറങ്ങിയപ്പോൾ അബദ്ധത്തിൽ വൈദ്യുതി ലൈനിൽ തട്ടി ഷോക്കേൽക്കുകയായിരുന്നു. സംഭവസ്ഥലത്ത് മീനുകളും ചത്തുപൊങ്ങിയിട്ടുണ്ട്.
പട്ടാമ്പി പോലീസ് സ്ഥലത്തെത്തി അന്വേഷണം ആരംഭിച്ചു.