തൃശൂർ: തൃശൂർ ആറ്റൂരിൽ ഓടുന്ന ട്രെയിനിൽ നിന്ന് വീണ് യുവാവിന് ഗുരുതരമായി പരിക്കേറ്റു. തൃശൂർ ഭാഗത്തേക്ക് വരികയായിരുന്ന നേത്രാവതി എക്സ്പ്രസിൽ നിന്നാണ് അപകടമുണ്ടായത്.
ട്രെയിനിന്റെ കോണിപ്പടിയിൽ (ഫൂട്ട്ബോർഡ്) ഇരുന്ന് യാത്ര ചെയ്യവേ ഉറങ്ങിപ്പോയതാണ് അപകടത്തിന് കാരണമെന്നാണ് പ്രാഥമിക നിഗമനം. ഗുരുതരമായി പരിക്കേറ്റ യുവാവിനെ ഉടൻ തന്നെ തൃശൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. അപകടത്തിൽപ്പെട്ടയാളെക്കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ലെന്ന് അധികൃതർ അറിയിച്ചു.